معروف کمپنی نے موٹر سائیکلوں کی قیمتوں میں اضافہ کر دیا

وفاقی بجٹ 2025–26 میں ٹیکس اصلاحات اور نئی انرجی وہیکل (NEV) لیوی کے نفاذ کے بعد پاکستان میں موٹر سائیکلوں کی قیمتوں میں ایک بار پھر اضافہ کر دیا گیا ہے۔ رپورٹ کے مطابق، یاماہا اور یونیک نے اپنے مختلف ماڈلز کی نئی قیمتیں جاری کر دی ہیں، جن کا اطلاق یکم جولائی اور 18 جولائی 2025 سے ہو چکا ہے۔

یاماہا نے اپنی مکمل لائن اپ کی قیمتوں پر نظرِ ثانی کرتے ہوئے اضافہ کر دیا ہے۔ یہ اضافہ حکومتی NEV لیوی اور سیلز ٹیکس میں رد و بدل کے بعد سامنے آیا ہے۔

• YB125Z (ریڈ/بلیک) کی نئی قیمت 4,29,000 روپے مقرر کی گئی ہے، جس میں 65,441 روپے سیلز ٹیکس اور 4,057 روپے NEV لیوی شامل ہیں۔

• YB125Z DX (ریڈ/بلیک/گری) اب 4,59,500 روپے میں دستیاب ہے۔

• مقبول ماڈل YBR125 (ریڈ/گری/بلیک) کی نئی قیمت 4,71,500 روپے ہو گئی ہے۔

• سب سے مضبوط ماڈل YBR125G (بلیک) کی قیمت 4,90,500 روپے جبکہ میٹ فنش ورژن کی قیمت 4,93,500 روپے ہو چکی ہے، جو یاماہا کی رینج میں سب سے مہنگی ہے۔

یاماہا کے بعد یونیک نے بھی قیمتیں بڑھا دی ہیں۔ کمپنی نے UD-70cc سیریز کے تمام ماڈلز کی قیمتوں میں 3,000 روپے کا اضافہ کیا ہے، جس کا اطلاق 18 جولائی 2025 سے ہو چکا ہے۔

• UD-70cc بیس ماڈل کی نئی قیمت 1,21,500 روپے

• UD-70cc Extreme Plus اب 1,25,000 روپے

• Special Edition کی قیمت 1,28,500 روپے مقرر کر دی گئی ہے۔

نئی قیمتوں نے موٹر سائیکل خریدنے کے خواہشمند شہریوں کو پریشانی میں مبتلا کر دیا ہے، جبکہ عوامی حلقوں میں اس اضافے پر شدید ردعمل بھی دیکھنے میں آ رہا ہے۔