خیبر پختونخوا کے 4 صوبائی وزراء کی کارکردگی غیر تسلی بخش

پشاور(نیوزڈیسک)خیبر پختون خوا کابینہ کے اراکین کی کارکردگی کی رپورٹ تیار کر لی گئی۔

ذرائع کے مطابق وزیرِ اعلیٰ خیبر پختون خوا علی امین گنڈا پور بانیٔ پی ٹی آئی کو یہ رپورٹ پیش کریں گے۔

رپورٹ کے مطابق 4 صوبائی وزراء کی کارکردگی تسلی بخش نہیں، 7 صوبائی وزراء کا کام نارمل، 6 وزراء کی کارکردگی اچھی ہے۔

مزید پڑھیں:پشاور میں وزارت خارجہ آفس کورئیر کمپنیوں کے ذریعے دستاویزات وصول کرے گا

رپورٹ میں 5 صوبائی وزراء کی کارکردگی بہترین قرار دی گئی ہے۔

ذرائع نے بتایا ہے کہ بانیٔ پی ٹی آئی کو گورننس سے متعلق شکایات موصول ہوئی تھیں، جس پر انہوں نے کے پی کے وزراء کی کارکردگی رپورٹ طلب کی تھی۔