لاہور(نیوزڈیسک)سابق وزیراعظم نواز شریف نے مسلم لیگ (ن) کا اہم مشاورتی اجلاس آج طلب کرلیا، جس میں ملکی سیاسی فیصلوں سمیت اہم امور پر مشاورت کی جائے گی۔
پارٹی ذرائع کے مطابق پاکستان مسلم لیگ ن کا مشاورتی اجلاس آج طلب کرلیا گیا، ن لیگ کا مشاورتی اجلاس آج صبح ساڑھے گیارہ بجے ماڈل ٹاؤن لاہور میں ہوگا۔پارٹی ذرائع نے بتایا کہ ن لیگ کا مشاورتی اجلاس پارٹی صدر میاں نواز شریف نے طلب کیا ہے اور وہ خود اجلاس کی صدارت کریں گے۔
مزید پڑھیں:بجلی کا بل کوئی بھی ادانہیں کرسکتا،نوازشریف
اجلاس میں وزیراعظم شہبازشریف، وزیراعلیٰ پنجاب مریم نواز سمیت اعلی قیادت شریک ہو گی، اس کے علاوہ اجلاس میں احسن اقبال، اسحاق ڈار، عظمی بخاری، اعظم نذیر تارڑ سمیت وفاقی وزراء اور سینئر پارٹی قائدین شریک ہوں گے۔پارٹی ذرائع کا کہنا ہے کہ اجلاس میں موجودہ ملکی سیاسی صورتحال اور اعلی عدلیہ کے فیصلوں پر تفصیلی مشاورت ہوگی۔
