لاہور(نیوزڈیسک)لاہور میں مون سون کی بارش کا پہلا اسپیل جم کر برسا جس نے جل تھل ایک کردیا۔
واساحکام نے لاہور میں ہونے والی بارش کے اعداد و شمار جاری کرتے ہوئے بتایا کہ سب سے زیادہ بارش تاجپورہ میں 175 ملی میٹر ریکارڈ کی گئی لکشمی چوک پر 101، مغل پورہ 99 اور گلشن راوی میں 98 ملی میٹر بارش ریکارڈ کی گئی۔
اس کے علاوہ چوک ناخدا پر 88، اقبال ٹاؤن 75، قرطبہ چوک 70، سمن آباد 65، مغل پورہ 60، ائیرپورٹ 59 ، اپر مال 51، گلبرگ 41، نشترٹاؤن 40، جیل روڈ 38 اور فرخ آباد میں 35 ملی میٹربارش ریکارڈ کی گئی۔
انتظامیہ کے مطابق لاہور کے علاقے ڈیوس روڈ، چائناچوک، کینال روڈ،گڑھی شاہو، علامہ اقبال روڈ، اللہ روڈ، کشمیر روڈ، ایجرٹن روڈ، جوہر ٹاؤن، شملہ پہاڑی اور اطراف میں بارش کا سلسلہ جاری ہے جس کے سبب کئی اہم مقامات پر بارش کا پانی جمع ہوگیا۔
