بھارتی فاسٹ بولر محمد سراج نے جنوبی افریقا کے سابق اسٹار کرکٹر ڈیل اسٹین کی پیشگوئی کو سچ کر دکھایا۔
ڈیل اسٹین نے اوول ٹیسٹ سے قبل سوشل میڈیا پر پیشگوئی کی تھی کہ محمد سراج پانچویں ٹیسٹ میچ میں 5 وکٹیں لیں گے۔ میچ کے اختتام پر سراج نے اسٹین کی اس پوسٹ کا جواب دیتے ہوئے لکھا:
**”آپ نے کہا، میں نے کر دکھایا۔ آپ کا کہنا میرے لیے قابلِ قدر ہے۔”**
اوول ٹیسٹ میں محمد سراج نے شاندار کارکردگی دکھاتے ہوئے دوسری اننگز میں 104 رنز کے عوض 5 وکٹیں حاصل کیں، جب کہ پہلی اننگز میں بھی انہوں نے 4 کھلاڑیوں کو پویلین کی راہ دکھائی۔
محمد سراج نے میچ کے سنسنی خیز لمحے میں انگلینڈ کی آخری وکٹ حاصل کر کے بھارت کو 6 رنز سے فتح دلائی۔ ان کی شاندار کارکردگی پر انہیں "مین آف دی میچ” قرار دیا گیا۔
بھارت نے اس کامیابی کے ساتھ سیریز 2-2 سے برابر کر لی، اور محمد سراج کی بولنگ کارکردگی کو کرکٹ حلقوں میں خوب سراہا جا رہا ہے۔
