قومی ہاکی ٹیم کے کھلاڑی ایک بار پھر مالی مشکلات کا شکار ہیں کیونکہ ڈیلی الاؤنس کی ادائیگیاں اب تک نہیں کی گئیں۔ ذرائع کے مطابق دورۂ بنگلہ دیش کے دوران کھلاڑیوں کو ملنے والا ڈیلی الاؤنس جاری نہیں ہوا، جبکہ پرو ہاکی لیگ کے کیمپ کا ڈومیسٹک الاؤنس بھی ابھی تک ادا نہیں کیا گیا۔ کھلاڑیوں کا کہنا ہے کہ پاکستان اسپورٹس بورڈ نے کسی قسم کی ادائیگی نہیں کی۔
نوشکی خودکش حملہ، خاتون بمبار کو خودکش دھماکے میں استعمال کرنے کا دعویٰ
ذرائع کے مطابق پرو ہاکی لیگ کے دوران قومی کھلاڑیوں کو صرف 40 ڈالر یومیہ دینے پر غور کیا جا رہا ہے، جبکہ پاکستان ہاکی فیڈریشن کے ضابطے کے مطابق کھلاڑیوں کو 30 ہزار روپے انٹرنیشنل ڈیلی الاؤنس لازمی ادا کیا جانا چاہیے۔ متعدد کھلاڑیوں نے الاؤنس نہ ملنے پر شدید مایوسی کا اظہار کیا ہے اور صرف 40 ڈالر یومیہ الاؤنس تک محدود کرنے پر ناراضی ظاہر کی ہے۔
قومی ہاکی ٹیم آج پرو ہاکی لیگ میں شرکت کے لیے ارجنٹینا روانہ ہو رہی ہے۔ پاکستان اسپورٹس بورڈ سے مؤقف جاننے کی کوشش جاری ہے۔
