واٹس ایپ میں اسٹیٹس اپ ڈیٹس کے لیے بڑی تبدیلی؟جانئے

میٹا کی زیرِ ملکیت ایپلی کیشن واٹس ایپ نے اسٹیٹس اپ ڈیٹس کے لیے نیا اے آئی امیج جنریٹر فیچر متعارف کرا دیا ہے۔

واٹس ایپ کے مطابق اس فیچر کو "اے آئی سے تیار کردہ تصاویر برائے اسٹیٹس” کا نام دیا گیا ہے، جو میٹا کی جدید مصنوعی ذہانت پر مبنی ٹیکنالوجی سے کام کرتا ہے۔ اس میں صارف صرف ایک جملہ یا وضاحتی عبارت لکھے گا، جیسے "سورج غروب ہونے کا منظر” یا "رات کا روشن آسمان”، اور واٹس ایپ خود بخود اسی تھیم سے مطابقت رکھنے والی متعدد تصاویر تیار کر دے گا۔
کرنٹ اکاؤنٹ خسارہ 11 کروڑ ڈالر سرپلس ہوگیا

صارف اس فیچر کو استعمال کرنے کے لیے اسٹیٹس والے حصے میں جا کر "اے آئی امیج” کے آپشن کا انتخاب کرے گا، پھر اپنی مرضی کا جملہ درج کرے گا۔ اس کے بعد ایپ مختلف تصاویر تخلیق کرے گی جن میں سے پسندیدہ تصویر منتخب کی جا سکتی ہے۔ صارف چاہے تو تصویر میں ایموجی، اسٹیکر یا عبارت بھی شامل کر سکتا ہے۔

یہ نیا فیچر واٹس ایپ کے موجودہ اے آئی وال پیپر جنریٹر فیچر کی توسیع ہے، جو صارفین کو اپنی چیٹ کے پس منظر کے لیے اپنی مرضی کی تصاویر بنانے کی سہولت دیتا ہے۔

فی الحال یہ فیچر محدود اینڈرائیڈ اور آئی فون صارفین کے لیے جاری کیا گیا ہے اور آئندہ چند ہفتوں میں اسے دنیا بھر میں متعارف کرایا جائے گا۔

میٹا کمپنی کے مطابق یہ نیا فیچر مصنوعی ذہانت کے انضمام کی ان کی جامع حکمتِ عملی کا حصہ ہے، جس کا مقصد واٹس ایپ کو محض چیٹنگ ایپ کے بجائے ایک تخلیقی اظہار کے پلیٹ فارم میں تبدیل کرنا ہے۔