بالی ووڈ اداکار اور پروڈیوسر ارباز خان اور ان کی اہلیہ، میک اپ آرٹسٹ شُرہ خان کے ہاں چند روز قبل بیٹی کی پیدائش ہوئی ہے۔ جوڑے نے سوشل میڈیا پر اس خوشخبری کا اعلان کرتے ہوئے بتایا کہ انہوں نے اپنی بیٹی کا نام سِپارا خان رکھا ہے۔
نیلی آنکھوں والے بچے کی پیدائش کیلئے خاتون نے اپنی ہی آنکھیں تبدیل کروالیں
ذرائع کے مطابق سِپارا نام عربی اور فارسی ماخذ رکھتا ہے، جس کا مطلب خوبصورتی، نزاکت اور فطرت سے جڑی پاکیزگی ہے۔ یہ نام دونوں ثقافتوں میں وقار اور حسن کی علامت سمجھا جاتا ہے۔
اطلاعات کے مطابق شُرہ خان کو ممبئی کے ہندو جا اسپتال سے ڈسچارج کر دیا گیا ہے، جہاں ارباز خان اپنی نومولود بیٹی کو گود میں لیے خوشی سے دمکتے نظر آئے۔ تاہم جوڑے نے اب تک اپنی بیٹی کی پہلی تصویر عوام کے ساتھ شیئر نہیں کی۔
سوشل میڈیا پر ارباز اور شُرہ خان کو بیٹی کی آمد پر مداحوں کی جانب سے مبارکباد کے پیغامات موصول ہو رہے ہیں۔ مداح اس خوبصورت اسلامی نام سِپارا کو بے حد پسند کر رہے ہیں۔
یاد رہے کہ ارباز خان اور شُرہ خان نے دسمبر 2023 میں ممبئی میں ایک نجی تقریب میں شادی کی تھی۔ یہ ارباز خان کی دوسری شادی ہے۔ اس سے قبل وہ اداکارہ ملائکہ اروڑا کے ساتھ رشتہ ازدواج میں منسلک تھے جو 2017 میں ختم ہو گیا تھا۔
