لاہور: مسلم لیگ (ن) کے صدر اور سابق وزیر اعظم نواز شریف نے کہا ہے کہ پاکستان ہماری سرخ لکیر ہے اور اس کی طرف کسی کو میلی آنکھ سے دیکھنے کی اجازت نہیں دیں گے۔
انہوں نے یہ بات وزیر اعظم شہباز شریف سے جاتی امرا میں ہونے والی ملاقات کے دوران کہی۔
بھارتی سنگھ بیٹے کے معصوم وعدے پر جذباتی
رپورٹ کے مطابق وزیر اعظم شہباز شریف، مسلم لیگ (ن) کے قائد نواز شریف سے ملاقات کے لیے ان کی رہائشگاہ جاتی امرا پہنچے۔
ملاقات میں دونوں رہنماؤں نے ملک کی مجموعی سیاسی صورتحال پر تبادلہ خیال کیا، جبکہ شہباز شریف نے نواز شریف کو پاکستان اور افغانستان کے درمیان جاری مذاکرات کی تفصیلات سے آگاہ کیا۔
اس موقع پر نواز شریف نے کہا کہ قوم کے بیٹے اپنی جانوں کی پرواہ کیے بغیر وطن عزیز کی حفاظت کر رہے ہیں، اور پاکستان کی سلامتی و خودمختاری پر کوئی سمجھوتہ نہیں کیا جا سکتا۔
