لاہور: سابق وزیراعلیٰ پنجاب عثمان بزدار کے دور کی کرپشن کی تحقیقات کرنے والے افسر کے خلاف ہی اب انکوائری شروع کر دی گئی ہے۔
بزدار دور میں ہونے والی بڑی مالی بے ضابطگیوں کی تحقیقات پر پبلک اکاؤنٹس کمیٹی تھری نے عدم اعتماد کا اظہار کیا ہے۔
اسرائیل نے فلسطینی شہدا کی لاشوں سے انسانی اعضا چرا لیے
ذرائع کے مطابق کمیٹی کی جانب سے طلبی پر تحقیقاتی افسر نے رخصت لے لی، جس پر ان کے پیش نہ ہونے کو کمیٹی نے سنجیدگی سے لیا اور سخت نوٹس جاری کیا۔
پبلک اکاؤنٹس کمیٹی تھری نے ایڈیشنل چیف سیکریٹری کو ہدایت کی ہے کہ تحقیقاتی افسر کے چھٹی پر جانے کے معاملے کی جانچ کی جائے، جبکہ ڈاکٹر فرح مسعود کو دوبارہ کمیٹی کے سامنے پیش ہونے کے لیے طلب کر لیا گیا ہے۔
یاد رہے کہ بزدار دور میں ڈسٹرکٹ ہیلتھ اتھارٹی منڈی بہاالدین میں 200 ملین روپے کی مالی بے ضابطگی کے معاملے کی انکوائری کے لیے ڈاکٹر فرح مسعود کو نامزد کیا گیا تھا۔
تاہم پبلک اکاؤنٹس کمیٹی تھری نے ڈاکٹر فرح مسعود کی تحقیقات پر اعتماد ظاہر کرنے سے انکار کر دیا ہے۔
