لاہور میں پرتشدد احتجاج اور پولیس پر حملوں کے واقعات میں ملوث افراد کے خلاف پنجاب بھر میں کریک ڈاؤن جاری ہے۔ پولیس کے مطابق لاہور کے مقدمات میں نامزد ملزمان کی گرفتاری کے لیے کارروائی کا دائرہ دیگر شہروں تک بڑھا دیا گیا ہے۔
اے آئی ایپس سے متعلق رپورٹ میں دلچسپ انکشاف
اب تک پنجاب بھر سے 5600 سے زائد ملزمان گرفتار کیے جا چکے ہیں، جن میں لاہور سے 681 افراد شامل ہیں۔ پولیس کا کہنا ہے کہ موبائل کال ریکارڈز اور واٹس ایپ گروپس کی مدد سے مزید شرپسند عناصر کا سراغ لگایا جا رہا ہے۔
ذرائع کے مطابق پولیس سوشل میڈیا اکاؤنٹس کی ٹریکنگ بھی کر رہی ہے، اور ان افراد کی نشاندہی کی جا رہی ہے جو سوشل میڈیا کے ذریعے انتشار پھیلانے میں ملوث ہیں۔ پولیس کا کہنا ہے کہ ایسے تمام عناصر کے خلاف سخت کارروائی عمل میں لائی جائے گی۔
