لاہور: افغانستان کرکٹ بورڈ کی جانب سے پاکستان میں ہونے والی سہ ملکی سیریز سے دستبرداری کے بعد پاکستان کرکٹ بورڈ (پی سی بی) نے متبادل ٹیم کے طور پر زمبابوے کرکٹ بورڈ سے رابطہ کر لیا ہے۔
ذرائع کے مطابق پی سی بی نے زمبابوے کو سیریز میں شامل کرنے کی پیشکش کی ہے، جس کے بعد اب ٹرائی نیشن سیریز پاکستان، سری لنکا اور زمبابوے کے درمیان ہونے کا امکان ہے۔
قومی ٹی ٹوینٹی اسکواڈ کی تشکیل آخری مرحلے میں داخل، بابراعظم کی واپسی متوقع
ذرائع کا کہنا ہے کہ سہ ملکی ٹی ٹوئنٹی سیریز نومبر 2025 میں پاکستان میں شیڈول ہے، تاہم افغانستان کے انخلا کے بعد نیا شیڈول جلد جاری کیے جانے کا امکان ہے۔
واضح رہے کہ افغانستان کرکٹ بورڈ نے حال ہی میں نومبر میں پاکستان میں ہونے والی ٹرائی نیشن سیریز سے دستبرداری کا اعلان کیا تھا۔
پاکستان میں سہ ملکی ٹی ٹوئنٹی سیریز 17 سے 29 نومبر تک شیڈول ہے۔
