بلوچستان میں خشک سالی کی صورتحال پر محکمہ موسمیات نے پری الرٹ ایڈوائزری جاری کر دی ہے۔
ایڈوائزری کے مطابق صوبے کے مغربی اور جنوب مغربی علاقوں میں بارشوں کی کمی مزید شدت اختیار کر گئی ہے اور خشک سالی کی صورتحال میں مزید اضافہ ہونے کا امکان ہے۔
مزدوروں کو کم از کم اجرت، تحفظ اور قانونی سہولیات کی فراہمی یقینی بنائی جائے ، شاہد علی
محکمہ موسمیات کے مطابق اس سال مئی سے نومبر کے دوران ان علاقوں میں بارشیں معمول سے کم رہیں، جس کے باعث خشک دنوں کی تعداد میں واضح اضافہ ریکارڈ کیا گیا ہے۔
بارش نہ ہونے کی وجہ سے متاثرہ علاقوں میں خشک سالی سے صورتحال مزید خراب ہونے کا خدشہ ظاہر کیا گیا ہے۔
رپورٹ کے مطابق فروری 2026 تک متاثرہ علاقوں میں درجہ حرارت معمول سے زیادہ جبکہ بارش معمول سے کم رہنے کا امکان ہے۔
ان حالات کے باعث پورے مغربی اور جنوب مغربی علاقوں میں خشک سالی کی صورتحال مزید سنگین ہونے کی توقع ہے۔
رپورٹ کے مطابق متاثرہ اضلاع میں چاغی، گوادر، کیچ، خاران، مستونگ، نوشکی، پشین، پنجگور، قلعہ عبداللہ، کوئٹہ اور واشک شامل ہیں۔
