اسلام آباد بار ایسوسی ایشن نے ایمان مزاری اور ہادی علی چٹھہ کے متنازعہ ٹویٹ کیس میں انہیں صفائی کا موقع نہ دینے کے خلاف عدالتی کارروائی کا بائیکاٹ کرنے کا اعلان کر دیا ہے۔
بار کے اعلامیے کے مطابق آج وکلا کی جانب سے عدالتی کارروائی کا بائیکاٹ کیا جائے گا اور اسلام آباد بار غیر قانونی اور غیر آئینی عمل کے خلاف ہڑتال کرے گی۔
آر ایل این جی صارفین کو ریلیف، 60 ارب روپے کی وصولی کا فیصلہ تبدیل
اسلام آباد بار ایسوسی ایشن نے کہا کہ وہ اپنے معزز ارکان کے شانہ بشانہ کھڑی ہے اور ملزم کو اپنی صفائی کا موقع نہ دینا انصاف کی موثر فراہمی کے دعووں کی نفی ہے۔
بار نے عدالت کے اس غیر منصفانہ رویے کی شدید مذمت کرتے ہوئے کہا کہ اسلام آباد بار کے اراکین سمیت پوری وکلاء کمیونٹی میں اس حوالے سے تشویش پائی جاتی ہے۔
بار نے مطالبہ کیا کہ ایمان مزاری اور ہادی علی کو اپنا موقف بیان کرنے کا موقع دیا جائے۔
