اسلام آباد کی ضلعی انتظامیہ نے وفاقی دارالحکومت کو محفوظ ترین شہر بنانے کے لیے گاڑیوں کے ای ٹیگ متعارف کرانے کا فیصلہ کیا ہے۔ ڈسٹرکٹ کولکٹر کے مطابق یہ ای ٹیگ اٹھارہ نومبر سے شہریوں کے لیے دستیاب ہوں گے اور شہری مختلف مقررہ پوائنٹس سے یہ سٹیکر حاصل کر سکیں گے۔
بلوچستان اسمبلی نے کم عمری میں شادیوں کی ممانعت کا بل منظورکرلیا
ضلعی انتظامیہ نے واضح کیا کہ شہری صرف منظور شدہ پوائنٹس سے ہی ای ٹیگ لگوا سکیں گے، جس کے لیے گاڑی کا رجسٹریشن کارڈ پیش کرنا لازمی ہوگا۔ اسلام آباد کی سڑکوں پر چلنے والی ہر گاڑی کے لیے ای ٹیگ لازمی قرار دیا گیا ہے، چاہے وہ اسلام آباد میں رجسٹرڈ ہو یا دیگر صوبوں سے تعلق رکھتی ہو۔
ماہرین کے مطابق یہ اقدام ٹریفک کی روانی اور سکیورٹی کو بہتر بنانے کے لیے اہم ہے۔ ضلعی انتظامیہ نے شہریوں سے اپیل کی ہے کہ وہ مقررہ ہدایات کے مطابق فوری طور پر ای ٹیگ حاصل کریں، جبکہ ای ٹیگ کے بغیر گاڑی چلانے والوں کے خلاف سخت کارروائی کی جائے گی۔
