اسلام آباد: مسلم لیگ ق نے 27 ویں آئینی ترمیم کی حمایت اور قومی مفاہمت کے لیے حکومت کے ساتھ تعاون کا اعلان کر دیا۔
مسلم لیگ ق کا اعلیٰ سطحی مشاورتی اجلاس سینئر نائب صدر چوہدری سالک حسین کی زیر صدارت ہوا، جنہوں نے پارلیمانی پارٹی کو وزیر اعظم سے ملاقات پر اعتماد میں لیا۔ اجلاس میں طارق حسن، ڈاکٹر امجد، مصطفیٰ ملک، فرخ خان اور دیگر مرکزی رہنما بھی شریک تھے۔
کمبل اور چادر پر جھگڑا ، بھارتی فوجی چلتی ٹرین میں قتل
واضح رہے کہ وفاقی کابینہ نے 27 ویں آئینی ترمیم کی منظوری دے دی ہے اور اب یہ ترمیم سینیٹ سے منظور ہونے کے مراحل میں ہے۔ آذربائیجان میں موجود وزیر اعظم شہباز شریف نے وفاقی کابینہ کے اجلاس کی صدارت ویڈیو لنک کے ذریعے کی۔
اجلاس میں وزیر دفاع خواجہ آصف، مصدق ملک، رانا ثنا اللّٰہ، ریاض حسین پیرزادہ، عون چوہدری، شزرہ منصب اور قیصر احمد شیخ بھی شریک ہوئے، جبکہ وزیر قانون اور اٹارنی جنرل منصور عثمان اعوان نے بھی اجلاس میں شرکت کی۔
