اسلام آباد(سپورٹس ڈیسک)ورلڈکپ میں گرین شرٹس کی ناقص کارکردگی پر چیئرمین پی سی بی سخت ناراض ،چیئرمین پی سی بی ذکا اشرف نے سابق کرکٹرز کو اپنے دفتر بلا لیا۔ذرائع کے مطابق پاکستان کرکٹ بورڈ کے چیئرمین ذکاء اشرف نے سابق کپتان یونس خان، محمد حفیظ اور سہیل تنویر کو ملاقاتوں کیلئے بلا لیا، اہم بیٹھک میں قومی کرکٹ ٹیم کو مستقبل میں بہتر کرنے کیلئے تجاویز دی جائیں گی۔ذرائع کا کہنا ہے کہ چیئرمین پی سی بی مینجمنٹ کمیٹی سابق کرکٹرز سے ملاقات کے بعد قومی کرکٹ کے حوالے سے اہم فیصلے کریں گے۔دوسری جانب کپتان بابر اعظم کو بھی ورلڈکپ سیمی فائنل میں رسائی حاصل نہ کرنے پر شدید تنقید کا سامنا ہے جبکہ بی سی بی میں بھی بابراعظم سے ون ڈے اور ٹی ٹوئنٹی کی کپتانی واپس لینے سے متعلق چہ مگوئیاں ۔قومی کرکٹ ٹیم ڈائریکٹر مکی آرتھر دبئی سے واپسی کے بعد ذکاء اشرف سے 14 نومبر کو ملاقات کریں گے اور اس موقع پر ہ کرکٹ ٹیم اور کپتان کی کارکردگی کی رپورٹ پیش کریں گے جس ے بعد قومی ٹیم کے مفاد میں فیصلے کیے جائیں گے۔
مزید پڑھیں: ایشیا کپ اور افغانستان سیریز کے لیے پاکستان نے سکواڈ کا اعلان کر دیا۔
