لاہور: نگران پنجاب حکومت12جون کو بجٹ کا اعلان کرے گی۔ نگران وزیراعلی پنجاب پریس کانفرنس میں پنجاب کا 4 ماہ کا بجٹ پیش کریں گے،ذرائع کے مطابق پنجاب کابجٹ 1200ارب روپے کے لگ بھگ رکھے جانے کی توقع ہے، 4 ماہ کے ترقیاتی بجٹ کیلئے 426 ارب روپے رکھنے کی تجویز ہے، 300 ارب روپے مقامی ذرائع اور 126 ارب روپے غیر ملکی امداد سے حاصل کیے جائیں گے۔
تنخواہوں اور پنشن کی مد میں 300 ارب، جاری اخراجات 550 ارب روپے رکھے جانے کا امکان ہے۔ذرائع کے مطابق آئندہ بجٹ ڈالر کی قیمت 290 سے 295 روپے کو مد نظر رکھ کر بنایا جائے گا، سرکاری ملازمتوں اور نئی گاڑیوں کی خریداری، دفاتر کی تزئین و آزمائش پر بھی پابندی رہے گی۔
