اسلام آباد پولیس عمران خان کو گرفتار کرنے کے لیے بنی گالا روانہ ہو چکی ہے لیکن معلومات کے مطابق عمران خان سخت سکیورٹی میں بنی گالا سے روانہ ہو چکے ہیں جس میں بلتستان خیبر پختوخواہ کے پولیس نوجوان اہلکار بھی موجود ہیں۔
واضح رہےکہ اسلام آباد ہائی کورٹ کے حکم پر خاتون جج کے خلاف دھمکی آمیز بیان کے مقدمے میں عمران خان کے خلاف دہشت گردی کی دفعہ ختم ہوگئی تھی تاہم مقدمے میں عمران خان نے باقی دفعات میں ضمانت نہیں کروائی تھی، عدالت نے ملزم عمران خان کے پیش نہ ہونے پر وارنٹ گرفتاری جاری کیے جس کے بعد پولیس انہیں گرفتارکرنے بنی گالہ روانہ ہوگئی۔
دوسری جانب ذرائع کا کہنا ہےکہ عمران خان بنی گالہ سے نامعلوم مقام کی جانب روانہ ہوگئے ہیں۔
ذرائع کے مطابق عمران خان کے ہمراہ علی امین گنڈا پور بھی ہیں، عمران خان وارنٹ گرفتاری جاری ہونےکے بعد سخت سکیورٹی میں بنی گالہ سے روانہ ہوئے، عمران خان کے ہمراہ پنجاب، گلگت بلتستان اور خیبر پختونخوا پولیس کے اہلکار بھی تھے۔
