۔گوادر پہنچنے پر گورنر بلوچستان عبدالولی کاکڑ نے وزیرِ اعظم کا استقبال کیا۔

گوادر کے دورے میں وفاقی وزراء بھی وزیرِ اعظم شہباز شریف کے ہمراہ ہیں، گورنر بلوچستان عبدالولی کاکڑ نے گوادر پہنچنے پر وزیرِ اعظم کا استقبال کیا۔

وزیراعظم گوادر میں متعدد ترقیاتی منصوبوں کا سنگِ بنیاد و افتتاح کریں گے، منصوبوں میں 102 کلومیٹر بسیمہ-خضدار روڈ، 55 کلومیٹر آواران-جھلجاؤ روڈ شامل ہیں۔

نیو گوادر انٹرنیشنل ائیرپورٹ اور 132 کے وی کی پنجگور-ناگ-بسیمہ-نل ٹرانسمشن لائن سرفہرست ہیں۔

دورہ کے دوران وزیراعظم گوادر یونیورسٹی کے ہونہار طلباء و طالبات میں لیپ ٹاپ تقسیم اور تقاریب سے خطاب کریں گے، شہباز شریف گوادر کے مستحق ماہی گیروں میں امدادی چیک بھی تقسیم کریں گے۔