پاکستان میں جمعے کے روز وزیراعظم شہباز شریف کی کابینہ میں ڈپلومیٹک سائفر کا معاملہ زیر غور آیا اور اجلاس کے بعد ایک اعلامیے میں کہا گیا کہ سائفر کی کاپی وزیراعظم ہاؤس سے غائب ہے۔
وفاقی کابینہ نے ڈپلومیٹک سائفر سے متعلق آڈیوز کی تحقیقات کے لیے کابینہ کی خصوصی کمیٹی بھی تشکیل دے دی ہے جو سابق وزیراعظم عمران خان، ان کے پرنسپل سیکریٹری اعظم خان اور سابق سینیئر وزرا کے خلاف قانونی کارروائی کا تعین کرے گی۔
