بیس جون تک اہم سیاسی فیصلے ہوجا ئینگے: شیخ رشید

راولپنڈی:عوامی مسلم لیگ کے سربراہ اور سابق وزیر داخلہ شیخ رشید احمد نے کہا ہے کہ 20جون تک اہم سیاسی فیصلے ہوجائیں گے،چہرے بدلنے اور جیلیں بھرنے سے لوگوں کی رائے نہیں بدلی جاسکتی۔ ان خیالات کااظہار شیخ رشید احمد نے جمعرات کے روزٹوئٹر پر جاری اپنے بیان میں کیا۔انہوں نے کہا کہ آصف زرداری نے کہاہے الیکشن میں کرائوں گا،فضل الرحمن نے کہاالیکشن میں کروائوں گا۔

نوازشریف کہتاہے لیول پلیئنگ فیلڈہوگی توالیکشن ہوگا،20جون تک اہم سیاسی فیصلے ہوجائیں گے کہ سیاسی اونٹ کس کروٹ بیٹھے گاجتنی مرضی منصوبہ بندی کرلی جائے ہوگاوہی جواﷲ کومنظورہوگا۔آئین قانون اورعوام کاکہیں ذکرنہیں۔ شیخ رشید احمد کا کہنا تھا کہ عالمی بینک نے پاکستان کی معاشی ترقی کاپوسٹ مارٹم کیا ہے اورحکومت شادیانے بجارہی ہے۔

جو معیشت آصف زرداری جیل میں پڑھ کرآیا وہ2008،2013 اورموجودہ14مہینے کہاں تھی،آئی ایم ایف سے چھٹی، دوست ممالک کی مالیاتی کٹی ن لیگ فارغ ،غریب تباہ و برباد، آٹا،ڈالر مہنگا اور نایاب، یہ ہیں حکومت کے حالات۔شیخ رشید احمد نے کہا کہ 9مئی کے واقع کی ساری قوم مذمت کرتی ہے اورعظیم فوج کےساتھ کھڑی ہے،قوم الیکشن کے روزپی ڈی ایم سے انتقام لے گی،منصوبہ سازوں نے زمینی حقائق سے آنکھیں بند کر رکھی ہیں، قوم اﷲ اورعدلیہ کی طرف دیکھ رہی ہے۔